布志綸唔排除 Mr.十周年再合體

前樂隊Mr.成員布志綸（Alan）作客TVB娛樂新聞台節目《StarTalk》，接受中學師弟兼主播許文軒（Edmond）專訪，二人重返母校及大談單飛推出新歌《人在野》感受。

Alan被問到何以有單飛出歌念頭？他說︰「Mr.上年完約前一口氣做咗21首歌，大家都好吃力，其實兩年前已經有休息嘅想法，各自跑下、發展下其他嘢，之後返嚟傾下有咩得着、有咩想法！五個人夾硬嚟會無火花，人地會Feel到我哋無貨。」他又透露明年MR.十周年，不排除會合體。