《使徒行者2》角色未登場 宣萱拒絕劇透

宣萱昨日出席《癌症治療》活動時提到，她的舅父剛在幾個月前因癌症離世，令她更注意健康，也提醒自己定期做身體檢查。

宣萱在台上談及在早前舅父和小學同學因癌症病逝時一度哽咽，她表示現時情緒已平復，但此事令自己和父母更注意健康，她坦言30歲後開始定期做身體檢查。「有朋友選擇唔去檢查，因為唔想知自己有事。可能我爸爸由細到大教我，少少嘢都會睇醫生。」

宣萱主演的《使徒行者2》前晚播到第二集，她的角色雖然未出場，但直言兩晚都有追看，更有留意網民評論︰「噚（前）晚Benz（許紹雄）咁慘，我睇到喊！」講到劇集不少角色都會死，她的結局是否同樣？宣萱拒絕劇透，只是讚劇情緊湊，加上拍攝時只睇自己演出的劇本，所以更期待睇整套劇的劇情發展。

自爆床戲不性感

提到在劇中她與陳豪會有床戲，宣萱笑言那場戲不會很性感︰「無乜特別，無嘢睇，哈哈！」至於日前在直播平台跟苗僑偉等人打牌，她自嘲牌技欠佳︰「當然啦，我打得好就唔會去啦！嗰晚有三哥、又有古明華在場，佢哋兩個七歲開始就學打麻將，我呢種只係陪打、陪輸。」

撰文︰Pauline

編輯：林梓添

設計：梁政敏