梁烈唯車禍後「愛上」吳卓羲

梁烈唯前晚拍網劇《飛虎極戰》時，意外被車撞倒，送院檢查後幸好已沒大礙，昨日更一拐一拐到電視城出席活動。唯唯重提意外時說︰「原本劇情係我推一個武指被車撞，雖然試咗幾次位，但係拍嗰陣都有失誤，變咗我被車撞到彈起，再跌落地。」他表示檢查後沒有骨折，只是擦傷膝頭及手掌，又特別感謝同場拍檔吳卓羲︰「呢件事令我愛上佢，佢嘅緊張同關懷令我好感動，如果我係女仔一定嫁畀佢。」