展鵬愛文柔？ 胡定欣盼緋聞快甩身

陳展鵬、胡定欣、姚子羚及陳山聰等《同盟》演員，昨日在黃竹坑一間酒店進行水上激戰，一眾女演員穿上背心短褲在泳池中玩遊戲，混戰時毫不錫身，張秀文更不慎走光。

陳展鵬接受專訪時承認與單文柔拍拖，但他昨日在現場竟然轉軚︰「我都唔知點解話我認咗，係了解同相處緊。（晚晚一齊睇電視劇？）都係睇緊TVB囉。（你認咗戀情？）呢段時間係相處得最多。」他自爆單文柔都有追《同盟》，卻表示有消息一定通知大家，不論是拍拖、結婚或者分開，非常口硬。

至於展鵬前緋聞女友胡定欣，她坦言最近無綫多喜事，加上成年人搵個伴亦屬正常。如今展鵬有女友，問她是否覺得甩難？定欣即謂︰「過咗宣傳期，希望大家唔好寫喇，畀啲空間大家，唔好再放我個名落去！」

子羚獲封新一代打女

胡定欣玩水戰可謂「全副武裝」上陣，她說已做足安全措施，不過近兩日與姚子羚一齊操弗，弄得肌肉痠痛，她更說要把「新一代打女」這個封號傳給子羚。

問定欣可有想到對付陳山聰的策略？她笑謂︰「用鉸剪，剪甩佢褲頭帶，佢話佢綁實。（怕唔怕剪錯？）係喎，不過我係怕搵唔到！」

撰文︰Pauline

編輯︰陳禮恒

設計︰梁政敏