田蕊妮否認暫別幕前

田蕊妮轉投無綫多年，一直站穩女一位置，然而最近阿田在FB公布拍完50集長劇《誇世代》後暫別幕前，令人不期然聯想到她有意退出娛樂圈。

前晚阿田出席《誇世代》煞科宴，對於暫別幕前一事，她連聲表示︰「唔好意思，估唔到有呢個誤會，其實拍完《誇世代》後，突然好感性，終於唔使再睇劇本投入角色，可以做自己想做嘅事。（打算休息幾耐？）直至收到下個劇本先開工。」

問到老公杜汶澤會否以為她「唔撈」？阿田笑言︰「有記者打畀佢，以為我真係退休。」阿田表示會趁這個時間去旅行，還想抽多點時間陪爸爸。老公可有勸她不要工作？她說︰「呢幾年工作的確一個接一個，老公都鼓勵我遇到好角色不妨去做，不過拍完《超時空男臣》，緊接拍完50集劇，係時候畀自己休息喇！」

陳豪準備迎接第四個B

陳豪（阿Mo）前晚姍姍來遲，他表示要做湊仔公，加上鄰居裝修帶了小朋友去嫲嫲家，傍晚才接他們回家，所以比較忙。太太陳茵媺（Amiee）復出拍電影，由他湊B可應付得來？他笑說︰「OK，無問題，仔女都黐我，媽咪train得好，Daddy都係淋啲，媽咪會set rule。」

之前為拍劇操肌的阿Mo，表示近日要湊仔只可搵時間做Gym，他又指連Amiee都受到感染，說到他有心有力，是否準備生第四胎？阿Mo直認︰「唔會say no，但暫時都幾忙，就算Yes都遲啲，無健康體魄點會有健康BB，（萬一有意外呢？）都會照生，真係鍾意BB，多啲嚟密啲手，不過（時間）攤長啲唔好咁密。」

採訪︰Pauline

編輯︰林梓添

設計︰梁政敏