王君馨拍咀戲 老公呷醋爆粗

王君馨（Grace）前晚上載一張老公Daniel收看她在新劇《超時空男臣》中與曹永廉咀嘴的新相，更踢爆老公呷醋大講英文粗口；而曹永廉昨日與Grace等演員出席該劇宣傳活動時即抵死回應︰「我哋都無伸脷！」

王君馨昨日與蕭正楠、曹永廉及吳業坤等在活動上與小朋友大玩遊戲。Grace被問到老公邊看她的親熱戲邊爆粗時表示︰「佢見到我咀阿廉即刻好激動咁話︰『Dxxx』（該死），之後問我邊個嚟㗎？」Grace大爆當老公知道全劇有32集時又再次爆粗。身旁的蕭正楠聞言即說︰「畀我睇到自己鍾意嘅人錫阿廉，我都講粗口啦，佢（Daniel）已經好保守、好有修養。」問到若女友黃翠如跟曹永廉拍咀戲，蕭正楠即笑謂︰「我會叫佢推咗套戲，我真係接受唔到。」而被粗口「問候」的曹永廉則說︰「我老婆睇完可能仲嬲，好少事啫，我哋又無伸脷！」

坤哥自爆要減磅

而吳業坤日前出席big big channel啟動禮時，被批評衣着太casual，坤哥昨日表示︰「呢樣嘢好難定奪，人Smart、啲衫Casual就OK。不過經一事長一智，下次會改善形象。（點改？）修身，瘦啲或者會靚仔啲。」坤哥自爆現時體重176磅，目標減到170磅，他最想瘦面，但就接受不到打針︰「我希望用天然方法減肥。」

撰文︰倪小珊

攝影︰林良明

編輯︰林梓添

設計︰梁政敏