開Live被「陳冠希」洗版 阿嬌稱頸痛睇唔到

鍾欣潼（阿嬌）前晚與張智霖（Chilam）現身將軍澳出席驚慄新戲《京城81號II》首映禮。早前她開網上直播谷戲，卻被網友狂發「陳冠希」三字信息。阿嬌說當時頸部舊患郁動不到，睇唔到留言，自己亦未感不悅。

阿嬌前晚穿上黑色露腰連身裙現身，可是上台時踩到裙腳，身旁的Chilam見狀即扶她一把。她透露之前在大馬雲頂完成Twins演唱會後右手完全無力，懷疑神經綫受壓，頸部更動彈不得，過兩日會睇醫生。

Chilam拒做媒人

對於日前開Live遭「陳冠希」洗版，阿嬌強調沒有不悅。「我條頸好痛郁唔到，加上有少少亂，唔知網民想我點，其實自己都無乜點睇留言！」她直言沒有專登望電話。「只係個熒幕太高條頸又抬唔高，所以工作人員給我看電話。（網民寫陳冠希個名？）當時留言快得滯，乜嘢名都睇唔到。」

另外，拍檔蔡卓妍近日覓得新戀情，阿嬌說︰「個個都會拍拖啦，我暫時未遇到對象。」問到身旁的Chilam可會介紹筍盤型男，他卻尷尬道︰「身邊比較多黃金剩女，我亦好怕做媒人，如果唔好就累咗人！」

撰文︰Steven

編輯︰林梓添

設計︰梁政敏