個唱終極加場 克勤搵Wyman設計戰衣

將於九月開騷的李克勤，昨日舉行記招宣布加開9月11日終極尾場，他透露已邀得黃偉文（Wyman）主理舞台服裝，揚言沒有性感底綫。但Wyman叫克勤不要操得太大隻，怕到時着唔落歌衫。

克勤昨午在灣仔出席歌迷聚會，他表示剛從新加坡返港，原本以為八號風球被迫取消活動，幸好延遲約三小時便可如常舉行。今次是第四度加場，於9月3日至11日開騷共九場，之後因紅館檔期不能再加。

盧淑儀被偷拍嬲嬲豬

問到演唱會服裝，克勤自爆今次邀得好友黃偉文擔任服裝及形象指導，下周將與太太盧淑儀及Wyman一齊赴日本選購物料。克勤一向勤力操肌，問他可會在台上露肉？他戲言︰「我唔知佢（Wyman）搞乜，但我有『小波地』、『小老鼠』，即使要露胸肌也不怕。」

提到早前一家四口被雜誌影到在迪士尼酒店嬉水，克勤回應︰「我老婆被影到戙高腳，佢嬲咗三日。其實我都有警覺睇下泳池有冇相機，但過咗去就算，小朋友有少少打格都算做有良心！」他又自言早前在新加坡外遊，當地酒店的房間有私人泳池，囝囝游水時可以乜都唔着。

撰文︰Steven

攝影︰林良明

編輯︰陳禮恒

設計︰梁政敏