葉德嫻當眾叫許鞍華戒煙

葉德嫻（Deanie）曾在多套電影中發揮過搞笑細胞，原來講有味笑話亦有一手。前晚出席電影《明月幾時有》首映禮，Deanie姐更公然勸現年70歲的導演許鞍華戒煙，搞到對方異常尷尬，卻又令全場嘉賓及觀眾捧腹。

葉德嫻、歐錦棠及導演許鞍華等前晚出席電影《明月幾時有》首映，歐錦棠在台上大爆Deanie姐在片場經常講有味笑話，Deanie姐斷言否認，更說：「我同歐錦棠1999年合作後好耐無見，拍呢部戲時有一日開工，我同佢講我個家務助理要返家鄉見男朋友，我好擔心佢，歐錦棠叫我打007（長途電話）畀佢，我話︰『咩話？畀001（0.01安全套）佢？』」此言一出令全場大笑，Deanie姐其後又趁機勸導演戒煙。「許鞍華起碼可以拍多十年八年戲，如果佢肯戒煙嘅話！」而導演許鞍華則說︰「喺佢面前我唔食。（會考慮戒煙？）希望啦，食咗起碼40年，嗰陣時覺得咁樣係型。」

王菀之滿意扮村姑

另外，導演稱只會揀選適合角色的演員參與演出，但對首次合作的王菀之（Ivana）則是例外。在片中飾演村姑的Ivana說︰「當導演同我見面時，知道我嘅真實年齡（38歲），佢話乜原來我咁大個，仲話咁唔使一定要演到十幾歲嘅村姑感覺，演到18、19歲都得㗎喇。」Ivana坦言滿意自己的村姑造型，不過老公還未看過，Ivana說要留給老公入場才看。

撰文︰Pauline

編輯：林梓添

設計：梁政敏