再榮升嫲嫲 劉美君等開完騷湊孫

宣布今年十月在紅館開騷的劉美君（Prudence），昨日出席記者會時喜氣洋洋，原來她將於九月再度榮升嫲嫲，惟九月正值籌備開騷最緊湊階段，Prudence只好待完騷後才返美國抱孫女。

睽違九年，劉美君昨日宣布於10月14及15日再踏上紅館大舞台，之後又自爆將再榮升嫲嫲，她興奮表示︰「我新抱九月在美國生第二胎，今胎仲係孫女，湊成一個『好』字呀！」問到會否幫孫女改名？她說孫仔由他的爺爺、Prudence前夫黃泰來按族譜用「正」字，加上孫仔是他們的第一個孫，所以取名「正一」，她更戲言孫女叫「正二」，諧音「正義」也不錯。

海報下架得啖笑

另外，提到個唱宣傳海報，日前被有關當局認為會令人產生幻覺、驚嚇，最終不獲批准懸掛在紅隧出口。劉美君坦言第一秒反應的確有點不開心，到第三秒就開始偷笑。「我出晒名畀人話大膽，今次反而多謝紅隧，佢哋無做錯。」她更承諾一定會用心做這場騷︰「自己嘅招牌唔係求其做嘢嘅人，呢個騷好唔同。（請了甚麼嘉賓？）講咗就唔係神秘啦，當無嘉賓先啦。」

採訪︰Pauline

攝影︰林良明

編輯︰林梓添

設計︰梁政敏