盧凱彤加國完婚 林二汶酸溜溜

組合at17成員林二汶昨午出席《暗中作樂聲演會2017》記者會，對於好姊妹兼拍檔盧凱彤（Ellen）日前在台灣「金曲獎」頒獎禮上，自爆去年與台灣女攝影師余靜萍結婚，二汶笑稱︰「酸溜溜呀，好唔開心！」

二人女子組合at17成立初時，兩位拍檔曾傳出緋聞，盧凱彤已在加拿大結婚，二汶曾在社交網站留言稱「新娘不是我」，會視對方的愛人是多元家庭。二汶其後正經表示，其實她早已知悉Ellen拍拖，但一直守口如瓶，她對Ellen曾患抑鬱症，之後見證二人分手後再復合，感覺都是相親相愛。不過二人在加拿大結婚很低調，連二汶也沒參與這場同性婚禮。

問她送上甚麼賀禮？二汶笑說︰「我哋太熟不拘禮，只送上深深祝福。其實佢太太陪Ellen經歷過，都好犀利、好有能耐。」再追問何時輪到她結婚？二汶續稱︰「我未嫁得出，剩番我即是籮底橙啦！」

杜德偉望三年抱兩

杜德偉（Alex）的兒子已八個月大，開始學懂叫爸媽，Alex笑言囝囝十分醒目，知道爸爸搵食，第一句就會叫「爸爸」，但他正苦惱兒子的返學問題，因他想兒子學好廣東話，「我覺得好煩，小朋友仲係一嚿飯咁就要讀書好辛苦，德國嘅小朋友六歲後先入學，感覺香港嘅教育好辛苦，所以都唔會安排佢返學前班。」

Alex更透露已積極追下一個BB，目標是三年抱兩。他笑說︰「最好一次生兩個，仔女我都無所謂。」他坦言現時每星期都要出埠工作，回港休息兩天見BB就最開心，每次哄兒子入睡，也會哼出柔情歌曲，卻改上歌詞︰「老竇已經好攰，你要快啲瞓覺」。

採訪︰Pauline

編輯︰陳禮恒

設計︰梁政敏