巴黎最佳法包 出爐總統都食佢

法國最新上任總統馬克龍，係咪日日歎法式甜點馬卡龍不得而知，但肯定入主愛麗榭宮後，每日都會食到Brun Boulangerie Patisserie的法包（Baguette），因為這家位於巴黎第13區的麵包店，最近擊敗超過200位對手，奪得巴黎麵包師公會（Syndicat des Boulangers-Patssiers du Grand Paris）「最佳法包」殊榮，麵包師傅Sami Bouattour除了獲得4,000歐元（約35,000港元）現金獎，仲可獲愛麗榭宮的法包供應商合約1年，為總統馬克龍每日供應出爐法包。

其實Bouattour並非法包新手，他炮製的法包曾於兩年前奪得巴黎「最佳法包」第二位，今次終於坐正！爭奪最佳法包條件嚴苛，長度需介乎55至65厘米之間，重量介乎250至300克，每公斤麵粉不能含有超過18克鹽，令麵包更軟更白的麵包改良劑當然禁用，完全考驗麵包師傅的真功夫！法包評委，包括愛麗榭宮總廚，會根據麵包的烘焙方法、香氣、香脆度、賣相及味道，去評定誰能登上最佳法包寶座。其實唔使當上法國總統才歎到巴黎最正法包，只要識去13區嘅Brun又唔介意排隊，就可以用1.1歐元（約9.6港元）享受到這款經典法式美食了！

Brun Boulangerie Patisserie

地址︰193 Rue de Tolbiac, 75013 Paris

營業時間︰7am-8pm（星期二及三休息）

地鐵站︰Tolbiac