湯洛雯半開綠燈 羅天宇嘆好難追

羅天宇及劉佩玥（Moon）等昨日為節目《築．動．愛》拍外景。近日盛傳與湯洛雯拍拖的羅天宇，自然成為追訪對象。

湯洛雯日前出席活動時承認有了解中的對象，也不排除閃婚，隨即被同場的黎諾懿踢爆對方姓羅，直指是羅天宇。天宇昨日笑指黎諾懿亂講，問他已向緋聞女友湯洛雯求婚沒有？他連忙否認︰「梗係唔係啦！（了解中？）了解咗好耐啦，佢一路唔畀我了解。（佢開綠燈喎？）佢點講？我收到嘅意思唔係咁喎。」他直言還未拖過對方的手，更扯埋身旁的阿Moon落水，嚇得她將個波拋給好姊妹陳瀅︰「對象一定唔係我，因為佢劇中對手係陳瀅。（你想撮合佢哋？）我諗住迴避，咪拉我落水。」

讚女方夠細心

問天宇何時追湯洛雯？他透露拍《愛．回家》首次認識對方，當時還是新人，她很照顧大家。問他約會過沒有，他表示︰「有食過飯。（表白未？）等事業有成先啦。」

撰文︰Pauline

編輯︰林梓添

設計︰梁政敏