求JW做媒 坤哥想識超蓮

吳業坤及王灝兒（JW）合唱新歌《原來只因深愛着》，兩人早前在TVB娛樂新聞台《StarTalk》中互笠高帽，坤哥大讚JW性格大情大性，每次見到對方總是開開心心，他說︰「性格樂觀都係我搵另一半嘅條件之一，因為唔想成日咁負能量。」

問到二人會否過電，JW即表示︰「一定唔Work，大家都唔係大家杯茶，我連合唱都接受唔到對望、拖手或者其他親密接觸，如果我都說服唔到自己，點說服到觀眾呢，所以我同公司講，我哋唔可以情侶檔姿態合唱。」坤哥更趁機要求JW介紹好姊妹何超蓮給他認識，JW戲言如果兩人傳出緋聞，超蓮一定會殺了她。

此外，JW亦為坤哥平反︰「其實坤哥好醒目，又勤力同有創意，骨子裏仲好搞笑，同佢一齊做嘢好開心，證明佢唔係『毒』啦！」