紅館騷加場 克勤禁妻兒踩台

李克勤今年踏入樂壇30周年，於9月5日至8日在紅館舉行《李克勤慶祝成立30周年演唱會》，由於預售反應熱烈，決定加開兩場共六場。克勤在圈中廣結人緣，嘉賓名單也擬定好，唯獨謝絕老婆盧淑儀及兩個寶貝仔上台亮相。

相隔六年，克勤再開紅館騷，早前信用卡率先接受訂票，反應非常熱烈，昨日大會宣布加開9月4日及9日兩場，合共六場門票由即日起公開發售。英皇更特別為克勤全新專輯印製限量版黑膠碟，又為他印製30周年紀念郵票。此外，第三首主打歌《失魂記》亦已派台，並在昨日記者會上首播MV，MV由克勤好友梁榮忠執導，找來胡楓及鮑起靜參與演出。

對於有歌迷投訴門票供不應求，克勤嘆稱︰「真係矛盾一生！事關曾經在95年（演唱會）賣得唔好……其實480元都幾好睇，睇我都唔使咁近呀！」老婆盧淑儀是否再着泳衣及戴港姐后冠上台？克勤聞言即緊張表示︰「過唔到自己嗰關，拎出嚟畀人睇一次就夠，何況嗰時我都未有話事權，仲未（追）到手！」記者笑問他那時是否已經對盧淑儀有好感？他笑謂︰「你都知啦！」

演繹新版《舊歡如夢》

前晚克勤做網上直播，不少網民紛紛留言要求他唱《舊歡如夢》，克勤在台上笑言︰「趷得高又驚小朋友睇到唔係咁好，趷得低又無味道。」其後他說連倪震都嚷着要點唱此曲，令他覺得似是被整蠱。不過，他確有計劃以另一方式演繹這首歌，正如他所言，每首歌都視仔女般看待，希望個個仔女出來都靚。

採訪︰Pauline

編輯：林梓添

設計：梁政敏