《春嬌》慶功志明無影 千嬅屈樂仔請食飯

《春嬌救志明》票房衝破3千萬，前晚筵開19席慶功。老闆林建岳、導演彭浩翔及楊千嬅等也有出席，而「志明」余文樂飛往外地工作無法現身，卻慘成眾人取笑對象。

《春嬌3》有好成績，電影公司搞大型慶功慰勞台前幕後，不過樂仔未有現身，並在IG分享陽光與海灘相片，千嬅得悉他去了工作後笑謂︰「唔緊要啦，因為佢返到嚟都係屈佢請食飯。」千嬅又自爆他們以《春嬌3》在港總票房輸賭請食飯的金額。

對於樂仔未有現身，導演彭浩翔笑言︰「拍嘢嚟唔到？有無搞……錯呀！慶功都唔嚟，離晒譜！」再追問他會否繼續拍《春嬌》第四集？他表示肯定不會再拍，反而會將《春嬌》入面出現過的怪物「趷趷剛」，拍成13集電視劇。

彭導又稱「趷趷剛」專食細路女，問到是否最適合由樂仔主演？他立刻說︰「係喎！啱佢做喎，仲要去台灣取景，如果七日食唔到細路女就變怪獸，食到就變番余文樂。」千嬅聞言即時嚷着說︰「我要扮細路女！」

讓紅館期畀家燕姐

此外，談到劉德華因養傷而取消年底紅館騷，騰出的檔期令歌手們虎視眈眈，連家燕姐都明言希望千嬅和側田讓給前輩，問千嬅會否敬老？她即謂︰「公司都幫我申請咗，但係未有消息。其實我都唔會攞咁多，我都唔係咁貪心，總之（檔期）夠幾個人開騷。」

採訪︰Pauline

編輯︰林梓添

設計︰招潤洪