好友楊采妮生孖B 梁詠琪計劃追多個

楊采妮（Charlie）早前在新加坡誕下孖B，好姊妹梁詠琪（Gigi）已落實在母親節飛往當地探B，順道與Charlie慶祝首個母親節，而一直都計劃為女兒Sofia追多個弟妹的Gigi，則希望待下半年積極「造人」。

Gigi昨日出席快餐店開幕活動時透露，母親節會帶埋愛女Sofia去探望初為人母的楊采妮。問她會送甚麼禮物給一對孖B？Gigi說會以環保為主，例如女兒的玩具和一些中性的衣服，她有感小朋友大得快，到將來她再生B，Charlie又可以將BB用品回贈給她。問Gigi是否已有計劃生B？她說︰「都有計劃嘅。不過啱啱先拍完《女兒國》，之後嘅工作忙到九、十月，所以要完成手頭上工作先可以（造人）。」

另外，Gigi都有與Charlie分享餵母乳的心得︰「我好佩服佢，一嚟就孖仔，我湊一個已經好攰。」由於要去新加坡探好姊妹，所以Gigi會提早在港與家人食餐飯慶祝母親節。

麥明詩唔喜歡大隻男

另外，同場的麥明詩提到早前拍《誇世代》時，與同劇的余德丞一杯雪糕兩份食，麥明詩解釋︰「出街食飯都會一碟餸一齊食啦，我哋有用公筷，唔會你一啖我一啖咁唔衞生。（話你挨喺佢心口？）其實係監製要佢質我個頭落佢心口度。（成日搞爛gag引你笑？）佢個人都幾搞笑嘅，轉數又快。（有無發展可能？）我睇唔到有可能，唔係我鍾意個type，佢太大隻喇，我鍾意嗰啲向來身材唔係fit嘅。」

採訪︰Pauline

編輯：林梓添

設計：K