《拆彈專家》票房破3億 劉德華宣布開續集

電影《拆彈專家》在中、港、台及星馬的總票房突破3億港元，前晚舉行慶功宴，一班演員包括吳卓羲（Ron）、姜皓文（黑仔）、蔡瀚億（BabyJohn）等也有出席，雖然有份監製的劉德華未能現身，但即場透過電話送上祝賀，更宣布開拍第二集。

前晚大會在慶功宴上即場致電給劉華報喜，他興奮謂︰「我係劉德華，大家好！多謝台前幕後一班手足，花咗好多時間宣傳，第時我會雙倍奉還。多謝入場支持我哋部戲嘅人，恭喜導演、手足。我哋開第二集啦。」劉華金口一開，全場立刻歡呼。大家都叫華仔盡快返來，他笑謂︰「一定！聽到咁好票房，病都好得快啲。」

吳卓羲透露在5月1日勞動節，內地已有6,000萬人民幣票房，「證明好多觀眾都支持我哋，喺南寧嗰站電影播到中段，我哋突然衝入場向觀眾謝票，其實當時幾驚畀人飛鞋。」Ron不諱言希望日後更多機會拍電影，不過月中會拍邵氏網劇《飛虎極戰》，暫時不會傾新劇本。

BabyJohn被封催淚瀚

BabyJohn和黑仔也為《拆》片票房感到鼓舞，BabyJohn更自爆獲觀眾封為「催淚瀚」，事關片中他被匪徒挾持，最後更命喪炸彈下，該幕令全場觀眾喊到收不到聲。「我靜靜雞走入戲院睇反應，聽到後排觀眾飲泣聲，不過觀眾喊我就開心，證明感動到佢哋。」

採訪︰Pauline

攝影︰林良明

編輯︰林梓添

設計︰梁政敏