克勤拒評 學友唔拍內地唱歌真人騷

畢業於香港華仁書院的李克勤，多年來對母校仍存有感情，即使做了歌手，偶然都會抽空返母校探望。近日他更準備重返母校拍攝音樂特輯，對他來說意義重大。

李克勤前晚到電視城錄影節目《流行經典50年》，當晚他大唱多首經典金曲，又表示稍後會到母校華仁書院為無綫拍音樂特輯，克勤更希望音樂特輯可請到昔日寶麗金舊同事陳慧嫻做嘉賓，原來二人在讀書時期已認識，他說︰「我學校同佢學校有聯校活動，當時佢係少男殺手，仲早我兩年入行！」

談到張學友早前表態不參加內地歌唱比賽真人騷，克勤表示有留意報道，他認為︰「每個人都有喜好，無話應唔應該上，開心咪上囉，無所謂嘅。（覺得認受性低？）家家有本難唸的經，每個歌手做每一件事都有唔同原因。」

肥媽怨契仔獨自賺外快

同獲邀上節目的Maria Cordero（肥媽），提到契仔陸浩明38歲生日，她笑指自己拍廣告及登台都帶他一齊去，有錢齊齊搵，但就埋怨契仔拍廣告沒有預她︰「佢話人哋畀唔到錢喎！」肥媽又出言催他明年初結婚，剛好趕及年底生仔，又笑言對方在她主持的飲食節目中頻頻食補品，連孕婦坐月餐都食，無藉口不生B。肥媽又透露還有兩集《阿媽教落食平D》要拍，之後上郵輪登台，順便與老公及孫仔、孫女去玩。

撰文︰Pauline

編輯︰林梓添

設計︰K