鄭俊弘爆何雁詩被鬧小三唔開心

鄭俊弘（Fred）本月初疑似背未婚妻戀上何雁詩（Stephanie）弄至滿城風雨，翌日兩人戲劇性地十指緊扣現身機場認愛；經過大半個月「過冷河」，Fred昨日現身公開場合，否認因負面新聞被公司雪藏。

Fred昨日與劉佩玥及黎耀祥等人出席「第6屆全港運動會開幕典禮」，一直傳被公司雪藏的他，銷聲匿迹大半個月後終現身，但他強調一直有工作，亦正準備錄製新碟，他說︰「公司好支持我，我會做好自己同工作。」Fred被問到會否擔心搣唔甩賤男個名？他說︰「每個人都有唔同角度去睇呢件事，人哋點樣睇我都控制唔到，最緊要做好自己。」

否認7月計劃開騷

提到Stephanie有情緒病困擾，Fred指女友情況OK，兩人常有見面，對於有不少網民狠批Stephanie是「小三」，Fred坦言女友看見有關報道感到不開心，他說︰「佢會搵屋企人、朋友或者同我去傾，但未試過講到喊。」對於有傳剛誕下囡囡的吳若希將頂替Fred七月在紅館開騷，Fred即澄清︰「公司無講過話七月有騷，係大家推測出來啫。」至於Stephanie閨蜜劉佩玥亦表示有跟對方傾偈，但不用刻意去開導她︰「佢有自己思想同諗法，唔需要朋友都可以解決問題。」

撰文︰倪小珊

編輯︰林梓添

設計︰梁政敏