滑雪跌傷尾龍骨 李嘉欣稱痛過生仔

李嘉欣昨日以「愛彼女皇盃大使」身份出席於4月30日舉行的參賽馬匹名單公布會，身穿露肩低胸裙並佩戴上全球限量200枚、價值近30萬的腕錶，無奈嘉欣上月於日本滑雪時不慎跌傷尾龍骨，在上落樓梯時要相當謹慎。

嘉欣透露早前與家人到北海道滑雪，卻不幸發生意外，她憶述說︰「當時滑行途中我跌低坐咗喺度，撞上雪橇尖出的位置，先生（許晉亨）仲唔知我有事，仲猛咁催我起身，隔咗一陣我先起到身。」嘉欣指翌日已經動彈不得，但由於旅程剛開始，她只好獨個兒留酒店休息，到第三天偷偷再去滑雪，結果又再跣倒。

每周三次物理治療

嘉欣苦笑謂不想影響小朋友，一直忍痛扮鎮定，問她是否如生仔般痛楚？她笑說︰「肯定比生仔更痛！」她回港後立刻看脊醫，幸好只是受壓移位，目前仍需每周接受三次物理治療。問到老公可有表示關心？嘉欣扮嬲稱︰「老公好差，一直覺得我無事，其實我兩個月都唔可以做運動一定肥好多，所以我好嬲呀！」復活節假期，嘉欣和家人已計劃出外度假，但會擇選較近的地方，脊醫也給了她一個坐墊作保護。

另外，兩個月前誕下第二胎女兒的陳爽，表示最近已積極搵學校，問她會否再生多個？她表示與老公都好喜歡小朋友，待女兒長大一點再考慮，不過兩歲的大仔經常與妹妹爭寵。

採訪︰Pauline

編輯︰林梓添

設計︰K