惠英紅為楊受成破戒飲酒

惠英紅憑《幸運是我》第三度奪金像獎影后，英皇老闆楊受成及一眾旗下藝人舉辦慶功宴，包括有份演出的陳家樂、衛詩雅、吳業坤及吳日言等。

在開香檳環節，小紅姐非常豪氣，隨手拎起香檳痛快地飲。小紅姐表示︰「我廿幾年都無飲過酒，今日一嚟到就飲咗杯紅酒。」她稱頒獎禮前半個月開始緊張，認為電影只收200多萬票房，又知老闆為此片捐了好多錢幫助老人家，一直都好希望在台上多謝對方，令她好大壓力。

小紅姐直言得獎算是圓了心願，「我今年57歲，媽咪都未試過正式讚我，不過聽過佢同祖兒媽飲茶，讚我係好叻嘅女，我會將獎帶去畀（已故）媽咪睇。」