同心穎感情無進展 馬明直認唔夠浪漫

馬國明和黃心穎的感情遲遲未有進展，近日兩人同為劇集《宮心計2︰深宮計》開工，雖然見面時間增多，感情卻未有跨進一大步，馬明自言不懂得為另一半營造驚喜。

無綫劇集《心理追兇》將於下周一播映，昨日劇中演員馬國明、蔡思貝及楊秀惠等出席宣傳活動。在劇中飾演心理學家的馬明，為追查女友被殺真相，不惜踩入灰色地帶，以非常手法查案。問到現實生活中可有試過為女友而犧牲？他說︰「咁又未試過！我唔算浪漫，某程度上幾現實，唔會刻意做啲咩去營造浪漫氣氛甚至驚喜，有愛就會有（浪漫）。」

之前體重驟降的楊秀惠，最近努力增肥都只不過重了一公斤，近日開工拍《大帥哥》的她坦言，擔心拍住張衛健，自己演得不夠好。「演員係會情緒化，有時會突然喊，試過睇心理醫生，阿廉（曹永廉）同我講過演員有情緒化係正常，所以當我知道自己鬧情緒就會避開。」

楊明否認女友check手機

另外，楊明被問到有傳女友莊思明喜歡check他手機，他笑言手機一直跟身，除非對方偷電話，否則傳言就非屬實。他又說女友不會追蹤自己，楊明笑言︰「公司一齊拍劇咁多人，有好多耳目，佢無乜點管我。不過有時我都會自動報告行蹤嘅，其實佢都要開工啦！」

採訪︰Pauline

編輯︰林梓添

設計︰K