吳鎮宇一件衫着十幾年

吳鎮宇和林嘉欣前晚出席《地球一小時》環保活動，平日衣着算得上整齊企理的鎮宇，原來會收藏衣物，更謂準備待囝囝長大後轉贈給他。鎮宇笑笑口謂︰「佢成日𥄫住我啲衫，不過佢老竇我啲品味都有番咁上下，我着得最耐嘅一件衫都唔只十幾年，有啲衫着得耐有感情，好似啲鞋由白色着到變黃色先至型。」

同場的林嘉欣日前於亞洲電影大獎中性感亮相，被問到回家後可有被老公投訴？她笑言︰「無問題呀！ok喎！不過再講我就會面紅。（下次再性感？）唔會喇，都唔敢，今次因為做評審身份先着得大方得體啲！」