小鳳姐叫「民間特首」愛身邊女人

徐小鳳一連八場紅館演唱會前晚圓滿結束，尾場請來「民間特首」劉德華擔任嘉賓。家有妻女的華仔在小鳳姐面前自言是幸福男人，又公開承諾會好好對待愛妻朱麗倩，獲得全場掌聲。

小鳳姐演唱會口碑載道，主辦單位希望盡快加開Part 2，小鳳姐也欣然答允，但希望可以減票價，錫住歌迷荷包。前晚尾場吸引大批好友支持，包括富商劉鑾雄的媽媽、女友甘比跟女兒劉秀樺、汪明荃、趙雅芝及黃秋生等，場面非常熱鬧。

劉德華擔任表演嘉賓，小鳳姐甫見到華仔即說：「我真係好多謝，愛『德華』一世。」華仔束起波點領帶笑着想送抱，可惜小鳳姐的裙擺太闊，令華仔不敢埋身。華仔穿上吊腳穿窿褲，小鳳姐又笑他：「嘩，你瘦成咁，又着到咁，我以為你好唔掂！」

撑CY角色難做

華仔繼續與小鳳姐在台上妙語如珠，小鳳姐說：「多謝你來同我打氣，上次做你演唱會嘉賓之後，眨下眼時間過得好快。」華仔答：「係呀，我成個身份都唔同咗，由男仔變男人變老竇。」小鳳姐又說：「係喎，我哋一齊恭喜華仔，你中間過程我哋唔理，我剩係見到你，認住你係劉德華就得，最緊要幸福愉快。」語畢，獲全場拍掌恭賀。

然後華仔開心的向着全場大叫：「我可以宣布我係幸福嘅。」小鳳姐話：「咁你要好好對你身邊的女人。」華仔笑着點頭：「我可以宣布不止身邊女人，連你們我也會好好對待。」

此外，小鳳姐提到兩代特首董建華及梁振英日前偕妻捧場，雖然當晚惹來噓聲，但她重申：「我撑佢，我承認撑佢，佢的位置好難做，睇到佢做好多事但無人認同，個心好難過，當晚大家給他們的是掌聲並不是噓聲，這一點我要澄清，做得啱唔啱係另一件事，但真係有付出過。」

撰文：林常恩

編輯：陳禮恒