林嘉欣獲老公御准性感

林嘉欣上周穿上一條黑色透視裙出席草蜢演唱會記招，即時艷壓全場，報道一出，「林嘉欣透視」更成為搜尋網熱門字眼。已是兩女之母的她，坦言廣告導演老公袁劍偉已經「開綠燈」，即使嘉欣要性感演出都唔使驚。

林嘉欣前晚以評審身份出席《第38屆香港國際電影節》頒獎禮之夜，頒發新秀電影獎項。當年還是新人的她，出道時拍《男人四十》即被睇好，因此她對一些新人有推動力的獎項都大力支持。嘉欣說：「這個獎係對新導演一種鼓勵，因為要完成一部電影已經唔容易，就算得唔到獎亦值得鼓勵。」

拍戲想扮少女

要是復出拍戲，會否考慮跟新導演合作？嘉欣表示不介意，更事先張揚個人底綫，她帶笑謂：「做咗媽咪之後，尺度反而大咗，無嘢再驚，唔想畀個框框局限。（拍性感戲之前，是否要問准老公？）性感要視乎劇情，我老公好相信我嘅判斷，何況做戲啫，唔使咁認真。」

提到現時渴望演哪些角色？嘉欣打趣表示，年紀輕輕時就想扮大人，到長大了又想扮少女，但如今暫時不想扮孕婦和媽咪的角色了，不過，當然劇本最重要，即使喜劇和商業電影都想嘗試。

撰文：Pauline

編輯：陳禮恒