麥明詩稱買唔起豪宅

麥明詩、馮盈盈及張振朗等昨日出席myTV Super迎接一周年記者會，最近有報道指麥明詩媽咪麥何小娟睇三千萬豪宅，卻被女兒阻止買樓計劃，麥明詩澄清︰「睇啫，買唔起，暫時冇打算換樓，留意香港樓市係正常嘅事，但我無睇，更加無錢買。（但你叫停買樓？）無，呢啲係父母嘅事，但佢哋的確對東涌沿綫物業有興趣。」她同時否認媽咪買樓給自己做嫁粧，強調現居也是一家四口一齊供。

麥明詩認同買樓較投資股票更實際，問到可有目標買幾多呎單位？她笑言︰「可能會喺柬埔寨買幾千呎，我有留意當地發展，我覺得做人同投資都要open mind，唔好限制眼前機會。」

此外，馮盈盈即將拍攝處女劇《果欄中的江湖大嫂》，而近日客串《溏心風暴3》時，她亦有向黃宗澤（Bosco）請教心得︰「Bosco話最緊要係靠團火同熱誠，自己銘記於心。」

攝影︰林良明