諸葛紫岐追B 由囝囝話事

諸葛紫岐（Marie）去年底為薛家誕下男孫Arthur，乳名「冰岐麟」，昨天她以最fit狀態出席活動。問她可會考慮為囝囝添個弟妹，她竟說一切依從「冰岐麟」意願，只要他想做哥哥，就一定為囝囝達成願望。

諸葛紫岐、Ana R.及Angie Ng昨午出席護膚品牌活動，並由司儀楊洛婷介紹出場。產後半年的Marie穿上大露背透視裝示人，已回復模特兒般身段，但她略嫌自己瘦了一點。問到何時計劃生第二胎？Marie直言：「要問個仔，唔可以咁自私，如果佢唔鍾意，我可以唔要，好似佢鍾意玩乜就自己攞。對老公都係一樣，佢鍾意做乜就由得佢。」

半歲重20磅

Arthur快將半歲，已有20磅重，Marie笑言現時抱B不能太耐，否則整個人會好痠軟，就連醫生都說他有少少超重。她又稱：「BB出世後，我經常帶佢見朋友，佢依家見到任何人都會講hello，仲會好開心不停咁笑。」

婚後的Marie十分享受幸福少奶奶生活，日前她被影到與老公逛商場，簡單一個手勢就召喚老公上前，十足公主一樣。她解釋：「我係豪爽啲，真性情畀人影到啫，本身都有可愛一面。」問她現時是否全職湊仔？Marie坦言會將全副心機放在囝囝身上，想他學更多事物。

採訪：Pauline

攝影：林良明

編輯：陳禮恒