一齊搵中醫踩背 苟芸慧唔認冧掂小美

苟芸慧、郭富城早前一同應邀出席剪綵活動，二人表現毫不尷尬。最近又有周刊發現苟姑娘與城城經理人小美一齊搵中醫踩背，對於被指「冧掂小美」，苟姑娘顯得相當避忌，更轉移視綫強調自己未有拍拖。

苟芸慧、何傲兒、葉翠翠及高鈞賢昨午出席明珠台《狂野巴西》宣傳活動。早前苟姑娘被拍到與郭富城經理人小美結伴踩背，對於城城過往的緋聞女友均未能成功闖小美一關，偏偏苟姑娘卻輕易埋身，令人聯想到她已成功「冧掂」小美，隨時再次攻「城」。

苟姑娘回應報道說：「我睇醫生，咁啱撞到小美啫，佢有推介中醫畀我，好多同事、朋友都推介呢個中醫，唔希望件事複雜化。」問她是否城城亦有推介這位中醫？苟姑娘即顯得謹慎，更叮囑大家不要把每樣東西都拉埋去講，更不想每次話題都牽涉到城城。當大家都以為她有新戀情時，苟姑娘即謂：「我都想，有拖拍嘅話一定會即刻瘦，因為好在意對方點睇自己。」

此外，城城舊愛熊黛林對苟姑娘「冧掂小美」表現得滿不在乎，爆出一句：「好勁咩！」苟姑娘立刻說：「咁就好啦，可能佢唔係咁嘅意思，但我唔清楚佢意思，所以唔回應。」

何傲兒稱家姐約滿TVB

蕭正楠與何傲芝分手後，與黃翠如拍劇戲假情真。何傲兒被問到家姐的心情如何？她說：「家姐目前OK，多謝大家關心。（家姐係咪放唔開？）無話有鬱結，最緊要釋放自己，太多回應就沒完沒了。」她強調家姐與TVB已經約滿，亦不用主持《東張西望》。問她是否TVB放棄同何傲芝續約？傲兒說：「唔太清楚家姐嘅合約，但佢同公司有共識，無話邊個唔要邊個。」

採訪：Pauline

攝影：Lego

編輯：陳禮恒