90後騎呢見工 開口埋口「阿媽話」

六月又是畢業生搵工旺季，有網民發帖指，接見應徵者時叫他講出個人優點，對方竟回應「我乜都唔識，同事咪可以幫我囉」，旋即引起熱議。有人力顧問指，新世代見工多騎呢百態，嚇怕不少僱主。

早前網民Bathsheba在討論區指，公司聘請文職，應徵者自我介紹時，聲稱鍾意某個行業，現正進修等考牌，申請這份文職只因工時穩定方便進修，言談間透露最多做一兩年便轉行。Bathsheba問他：「我花心機教識你，你就轉行……你有咩優點，咁都要請你？」應徵者說：「我乜都唔識，同事咪可以幫我囉！」Bathsheba心裏暗嘆：「我真係多謝你，畀機會我去教你」。

家長致電中介 要求另覓新工

帖子發布四日有近300個留言，有網民指新一代見工連準備工夫也不做，誠意欠奉。亦有網民撑該應徵者夠坦白，打工仔不可能一世做一份工。

有90後見工開口埋口離不開「阿媽話」。卓越人力資源顧問（ExcelNet）總監梁美儀指曾有應徵者被問到選這份工的原因，竟答：「阿媽話返五日好喎」，亦有年輕人辭工時說：「阿媽叫我辭工」，甚至有家長致電中介公司，指子女工作無前途，要求再覓新工。

見工要人陪亦是90後的通病，梁美儀形容10個人，總有兩個帶阿媽或男、女朋友同行。亦有資深人事顧問指，招聘會常見有母親陪子女面試，尤以大學畢業生最為嚴重。「阿媽全程代言，話阿仔識好多嘢，但阿仔全程唔出聲。」

而年輕人見工欠基本禮貌也是死穴。梁美儀指曾有大學畢業生在小組討論時不停轉凳，結果連人帶椅摔倒地上，場面尷尬。

應徵者無禮貌 不獲錄用

見過不少80、90後應徵者的Chung & Tang公關顧問公司董事鍾慕貞指，部分人準備工夫欠奉，令人失望。「問佢對我哋公司認識多少，佢答得含糊，咿咿呀呀好耐都講唔出。」她續指，有應徵者接到電話約見面試無禮地回應。「佢話在街上無紙筆，叫我send email畀佢，我又唔係佢個staff！」她認為應徵者自我及欠禮貌，待客能力亦成疑，故多數不錄用。

善用說話技巧 缺點變優點

新人見工應否坦白？ManpowerGroup大中華區董事總經理徐玉珊指，年輕人職場經驗淺，見工時不懂說話技巧。「就算無工作經驗，都可以說求學時參加過實習及課外活動，自己從中學會甚麼。被問到缺點時，不妨說出自己做了甚麼功夫去改善。例如以前經常遲到，現在會準備兩個鬧鐘，提早15至20分鐘出門，確保不會遲到。」

有人事顧問透露，見工時為考應徵者的應變技巧，會問一些負面的問題，如「預期做這份工有甚麼困難」、「上一份工為何離職」等。他建議應徵者見工前多做準備，設想不同處境對答，才可增加獲聘機會。

記者：翟秀娟