自揭唱《浮誇》爆咪之謎 Eason向全智賢騷Quali

陳奕迅（Eason）上星期在《Mnet亞洲音樂大獎》（MAMA）上獻唱經典爆咪歌《浮誇》，技驚四座，片段在網上瘋傳。Eason昨日自爆那次全憑儲足多年的一股力量，無非是想吸引女神全智賢注意，果然鬼馬。

陳奕迅、李克勤、譚詠麟、吳雨霏及陳慧嫻等歌手，昨日齊出席「環球唱片會員卡2015」記者會。Eason早前再唱《浮誇》大騷唱功，掀起網上熱話，他透露當時在《明年今日》和《十年》之間二選一，因為這兩首歌也有韓國歌手翻唱，又想以不同方式演繹《碌咭》，總是舉棋不定，結果竟是在倉猝情況下揀了《浮誇》。

Eason表示：「由03年哥哥（張國榮）走咗之後就寫，直到依家，首歌已經儲咗好多力量，好似練龜波氣功咁，連唔識我嘅人都睇到，證明係成功，之後我重溫都被感動到。起初經理人都擔心我前一晚去蘇永康婚宴，飲酒會影響把聲，當時我係知道把聲點樣，有啲高音唔可以夾硬唱。（覺得為香港歌手爭番一口氣？）冇諗呢啲。」

譚校長個唱加場

說罷，Eason突然如粉絲上身般，自爆如此賣力獻唱，只是希望得到女神全智賢的注意，Eason面紅笑謂：「我有睇佢啲戲，（見過真人？）未見過，但好想……」之後彈跳般走開，心情勁high。

此外，譚詠麟將於明年二月舉行40周年演唱會，門票反應熱烈，宣布加開四場，阿倫嘆稱加場都不夠還飛債。嘉賓方面已落實有溫拿、謝霆鋒、容祖兒及尾場有郭富城，問阿倫會否邀請王菲上台？他笑謂：「講啲咁嘢，叫霆鋒煮嘢食啦。」