Chilam未決定養貓定造人

張智霖（Chilam）昨日出席hmvod開台儀式，身為hmv數碼中國娛樂集團藝人的他賣口乖稱︰「已經試用app睇戲，鍾意睇西片同港產片，好多唔同片種呀。」他被取笑忙於睇戲豈非無時間造人？Chilam笑言努力中。問會否考慮人工受孕？他認為這些事交由上天決定，又笑言︰「太太（袁詠儀）話有方法，咁我唔幫佢邊個幫佢，我係唯一幫到佢嘅人。」提到袁詠儀曾透露他想養貓，不過Chilam有鼻敏感，之前想過養熱帶魚，可惜全部被家人否決。Chilam打趣謂三月比較清閒，正考慮養貓先還是造人先。

同場的鄭融稍後拍攝有線奇妙電視的開台劇，還會與棒棒堂的威廉合作，她自言今次是處女作；除了拍劇，同時要拍MV及錄歌，她希望多方面工作之間可取得平衡。