肥仔聰爆星爺有煩惱

周星馳早前被向太陳嵐炮轟，事件擾攘一陣子，林子聰前晚出席《唐伯虎衝上雲霄》首映時，直指星爺懶理是非，一心一意籌拍新片《美人魚》，但選角上令他大為苦惱。

林子聰前晚與杜汶澤、王晶及陳靜（DaDa）出席《唐伯虎衝上雲霄》首映，林子聰早前被拍到跟周星馳一齊前往深圳出席《美人魚》選拔活動，對於不少電影人狂插星爺，林子聰即力撑星爺說：「其他人話佢時我都未入行，唔係因為佢照顧我，而係我覺得佢冇乜嘢，呢次再合作都好開心。」

他又指星爺從沒找他做出氣袋，至於有否覺得對方有煩惱？肥仔聰說：「有，但唔係煩呢樣，只係為選角煩惱，仲有三個主要角色未定。（唔敢同佢提起？）唔係呀，我有撩佢講，佢話︰『呢啲有咩好講，諗下邊個做主角仲好。』」

DaDa小六嘗初戀

為配合大會主題「制服誘惑」，杜汶澤及DaDa分別以機師及學生妹造型現身，阿澤被問到其機師造型跟「Cool魔」張智霖有何不同？他抵死表示：「我冇戴太陽眼鏡，但最緊要戴安全套，套戲主要係講飛機上面gathering。」DaDa則自爆初戀發生在小六，但很乖，沒有gathering。

阿澤又透露今次得償所願做機師，而王晶又想拍唐伯虎，故演變成這部電影。他笑指主動要求DaDa扮學生妹：「細個讀書成日見到女學生穿呢套校服，晶哥好好人，幫我實現願望。」

撰文：林常恩

編輯：陳禮恒

設計：鄧俊明