周永恒自認人渣 求阿Yu原諒

周永恒（Roy）由最初背住老婆趙頌茹（阿Yu）搞婚外情，甚至動手打阿Yu，到近日流出疑似是「小三」劉依靜（Ruby）的慾照，種種行為表露出阿Roy的賤男一面。昨午他現身nowTV總部，喊住讀出道歉信，還淚流披面自認是人渣。

周永恒昨午抵達nowTV位於柴灣總部，並接受《娛樂審死官》主持梁思浩訪問，吸引大批傳媒到場採訪。在錄影節目前，他先向傳媒開腔表示：「呢件事過咗咁多日，我都諗得好清楚，一個男人最重要係一個家庭，我知道我做咗啲……唔能夠令我太太原諒嘅嘢。我唔知可以做啲咩，好內疚，責罵（唞大氣）……我好亂，所以（再次唞大氣）我寫咗封信畀我老婆。」

聲稱已撇小三

他對傳媒讀出畀阿Yu的道歉信，坦言過去11年做錯很多事，一時受唔住誘惑偷食，並以「人渣」來形容自己，明白難以獲老婆原諒。

他續稱希望盡自己最大努力去挽救家庭，更將自己代表兩個女，跟阿Yu講好想媽咪返屋企，並再次隔空向太太道歉，期間不斷哽咽。

記者追問他和第三者Ruby可有拍過艷照？他堅決否認，一時說與對方仍有聯絡，轉頭又說在星期二已經分手。至於在哪個星期二？他又答不出來，然後說：「呢個代價我諗太大，冇人可以承受到。」又不肯回應這段婚外情維持了多久。

避談老婆自殺傳聞

近日有傳阿Yu曾出現輕生念頭，Roy即說：「唔想回應。（同太太有冇聯絡，想同佢講咩？）叫佢返屋企啦，send啲囡囡嘅片畀佢睇。」雖然阿Yu已搬離屋企居住，Roy重申他們仍有保持聯絡。

阿Yu前日發聲明，有說她暗示離婚。Roy回應稱：「從來都冇直接聽佢講過，朋友話佢暫時未有呢個選擇（離婚）。佢唔能夠原諒我，需要一些空間，就算我哋再走埋一齊，會由朋友開始。」

撰文：Pauline

攝影：林良明

編輯：陳禮恒

設計：鄧俊明