楊怡為愛犬唔急生B

楊怡昨日出席寵物節活動擔任頒獎嘉賓，本身有兩隻狗仔的她，遲遲未有聲氣成功造人，但她承諾倘若將來有小朋友，也不會分薄對兩隻狗仔的愛；不過最近其中一隻狗仔患病，令她心痛不已。

楊怡昨日出席寵物節活動未有帶兩隻狗仔同行，她說︰「因為其中一隻有病，所以無帶佢哋出席。」楊怡表示兩隻狗仔已養了多年，一直視如己出，她不否認有兩隻寶貝，令她和老公羅仲謙不急於生BB，她說︰「就算將來有BB，我都唔會分薄對狗仔嘅愛，佢哋好似小朋友咁㗎，好識𠱁人，照顧佢哋就好似照顧小朋友咁花時間同心機。」

洪卓立狗仔遇意外亡

楊怡還讚謙仔好愛錫兩隻狗，知道狗仔病了，致電回家總會問候。問到狗仔有甚麼事？楊怡說︰「因為脊椎附近有問題引致尿頻，見佢每次小便都好痛，我個心仲痛，好彩唔使做手術。」楊怡又說，這段時間收工會立刻回家，本來醫生建議她將狗仔放入籠中，但楊怡又不捨得，惟有花多點精神去照顧，她覺得養寵物和湊小朋友一樣，需要耐性和愛心。

同場還有愛狗之人洪卓立，他表示年多前將愛犬所生的狗仔送了給朋友，卻原來一年前狗仔不幸遇上交通意外身亡，他還是最近才從朋友口中得知，「我當佢好似孫咁樣，死咗當然唔開心。」他表示這兩隻狗是年幾前買回來的，很後悔那時不懂得去領養，並謂要是兩隻狗百年歸老後，他一定會去領養。

攝影︰林良明

編輯︰林梓添

設計︰梁政敏

採訪︰Pauline