梁詠琪讚《骨妹》全女班有默契

《骨妹》兩位新演員廖子妤（Fish）和余香凝（Jennifer）有份提名今屆香港電影金像獎最佳女配角及最佳新演員，兩人在片中的演技受到女主角梁詠琪（Gigi）讚賞，不過Gigi覺得執導的徐欣羨未能入圍感到可惜。

電影《骨妹》前晚舉行首映禮，Gigi表示雖然老公Sergio未有到場，但她會買飛與他入場欣賞，她笑言︰「佢要湊女，大家分工合作嘛！」對於兩位新演員Fish和Jennifer分別獲金像獎提名，Gigi就讚Fish很有潛質，可惜導演徐欣羨未能入圍角逐新晉導演，「其實呢部戲台前幕後幾乎全女班，發覺原來全女班都可以合作得好好！」

談到女兒Sofia下個月就兩歲，Gigi表示不會大搞生日派對，只會一家人食飯慶祝便算。她又透露最近為女兒僅報讀一間play group，「學校係咪取錄無乜所謂，最主要想佢試下面試氣氛，正式入學都係明年嘅事，順其自然啦！」

廖子妤唔帶男友行紅地氈

Fish獲得Gigi睇好得獎，坦言好開心︰「本身很喜歡Gigi嘅氣質，加上初來港發展被指似佢，今次又演繹Gigi嘅90年代版，希望能承接佢嘅運氣。」余香凝表示自己睇該片已喊足三次，她又指男友陳家樂於澳門首映禮已睇過她在戲中的粗口版本，還讚她演得不錯。問到兩人在金像獎當日可會帶同男友陳家樂、周祉君一齊行紅地氈？Jennifer笑言會拍住Fish同行，Fish也希望觀眾專注部戲，因為大家都拍得很辛苦。

採訪︰Pauline

編輯︰林梓添

設計︰梁政敏