新劇角色叫宋仲基 Bobby唔怕得罪韓粉

今年無綫踏入50周年台慶，除了有張衛健回巢作《大帥哥》外，還有陳維冠監製的50集長劇《誇世代》，有福將歐陽震華（Bobby）和陳豪孭飛，還集合多位花旦包括田蕊妮、邵美琪等，陳豪更自爆和森美有肉搏戲。

Bobby和阿田首次合作就飾演夫妻，兩人笑言感到開心榮幸，又互相打趣表示由對方細個睇到大，至於可有親熱戲還未知道。由於全劇以輕鬆為題材，相信拍攝過程會很好笑。

Bobby在劇中角色叫宋仲基，跟韓國當紅偶像同名，問他可擔心宋仲基粉絲反對？他笑謂︰「唔怕，我又唔係醜化佢，依家係美化佢，由我去做咪顯得佢更英俊！」

陳豪要狂谷肌

在劇中飾演銀行家的陳豪，最期待是可以同Bobby再合作。問他今次擔演台慶劇可有壓力？陳豪表示最重要是拍好這50集劇。「難得今次合作嘅演員，好多都係新鮮人，出嚟嘅火花應該幾好睇，希望觀眾睇得過癮。」提到他和森美在劇中有「肉搏戲」，陳豪笑言劇中他們飾演兄弟，而且又喜歡打boxing，所以只是埋身肉搏而已，當下他最緊張還是要在短時間內操fit身形，起碼有幾塊肌肉︰「個劇要即刻開工，所以好趕呀！減肥唔難，操肌肉先最大問題，我會盡量利用短時間谷大佢！」

採訪︰Pauline

編輯︰林梓添

設計︰招潤洪