田蕊妮自誇廚藝好

田蕊妮（阿田）及朱晨麗等前晚出席《超時空男臣》煞科宴，原本幾個主角夾錢請大家BBQ，卒之個個爭住夾變成AA制。阿田老公杜汶澤在熒幕上展廚藝，連阿田也讚他用心。

杜汶澤（阿澤）近日在奇妙電視拍廚藝節目，身為老婆的阿田表示老公在家中有下廚，笑言飲了頭啖湯的她說︰「唔係我嫁佢做咩呀？」阿田又爆阿澤在節目中煮她的拿手小菜家傳元蹄︰「係我嫲嫲教我媽咪，我媽咪教我同佢。爸爸都讚我煮得好食過媽媽。」她透露在家中會與阿澤鬥煮餸，有朋友到家中作客時，二人會分工下廚，更得戚表示︰「我呢啲廚神唔係成日出手㗎！」

阿廉向蕭正楠逼婚

另外，蕭正楠（Edwin）與曹永廉坦言拍《超》相當辛苦，談到兄弟二人拍完劇終於「分手」，阿廉笑謂︰「不知幾開心，對咗幾個月，不過都喺廠見。」阿廉更趁機追問Edwin點過情人節？Edwin故作神秘謂︰「有報道話我結婚，個個打嚟恭喜我，我係話諗下先啫！」身為好友的阿廉坦言想老友快點結婚。Edwin被問到會否擔心他似洪永城與唐詩詠被指分手一樣感情有變？他說︰「見到佢哋無嘢吖，新年都有一齊聚會。」

採訪︰Pauline

編輯︰林梓添

設計︰K