吳岱融整蠱鍾淑慧食發泡膠

吳岱融和太太鍾淑慧前晚為無綫節目《1+1的幸福》錄影，吳岱融在節目中大爆當年難忘事，他笑謂︰「第一次識佢（鍾淑慧），叫佢食『發泡膠』，佢真係食。（結婚之後仲有無食？）結婚之後咪我食囉！」鍾淑慧回應笑稱︰「我以為佢大我吖嘛，佢叫我食咪食囉，我就咁吞落肚。」吳岱融最近密密拍劇，會否拉埋太太一齊拍劇？他坦言不由得自己話事。

另外，同場還有王祖藍與李亞男，祖藍透露2月3日要返無綫錄影節目，適逢還是新春佳節，他已準備返公司派利市。對於二人婚後依然恩愛，祖藍笑言身邊朋友見到他們人前人後曬幸福都覺得眼冤。

攝影：林良明