安仔被親友催生B

許志安昨日到九龍灣出席新碟《18安士》簽唱會，席上與粉絲玩遊戲及獻唱。安仔決定今年不出埠，與家人共度佳節，他笑言家族大人多，而且不停食，所以加緊跑步keep fit。

好友梁漢文、蘇永康及張衞健都離港度歲，安仔笑言剩低他一個留港，不過他和Sammi已計劃三、四月去歐洲度假。

問他是否已準備利市？安仔說包利市很好玩，隔籬屋小女孩最鍾意走來幫手包利市。記者笑他喜歡小朋友何不生一個？他說︰「咁到時又唔好玩㗎啦，屋企有時都講呢個話題，愈催愈難，總之順其自然啦。」安仔隨即表示期待朋友的BB，蘇永康就快做爸爸，安仔打趣謂︰「睇下生出嚟啱唔啱戴眼鏡，送副眼鏡畀佢。」