阿倫硬闖醫院探劉華

「校長」譚詠麟昨午現身養和醫院，探望墮馬受傷的劉德華，「其實得我一個硬闖到上去，今次我係純粹同華仔傾公事，因為之前同佢錄咗首歌，要搞mixing，一定要當面同佢講。」

他更透露華仔的情況︰「佢叫我通知所有親朋戚友，唔使去醫院探佢，等佢好好休息，因為講嘢、笑同反應，都會引起痛楚。華仔知大家嘅心意，佢會心領啦！」

阿倫又謂華仔目前必需要臥床，但精神不錯，至於華仔瞓得好不好，是否想返屋企過年、太太朱麗倩可有留院陪伴等問題，阿倫就說華仔今日會跟大家講。