連續13年封歌后 祖兒叫軒仔變性爭獎

港台《十大中文金曲頒獎禮》前晚完滿結束，容祖兒連續13年奪最優秀流行女歌手，被張敬軒直指可以攞足30年，不過祖兒就謙稱並非無敵手。

頒獎禮後祖兒和軒仔一同受訪，對於連續13年奪最優秀流行女歌手，祖兒慨嘆自己「好老」，軒仔即插嘴表示︰「應該攞夠30年！」問祖兒可覺得無對手？她直言不敢。對於頒獎禮場面冷清，祖兒連忙力撑︰「大家都好努力，其實今年都好齊整，Eason都有嚟。」

奪男歌手有愧於心

另外，奪四個大獎的軒仔直言，原本只預計拎到兩個獎，反而最驚喜是奪唱片銷量獎，他說︰「實體唱片真係好難攞。上年只係出咗兩隻碟，銷量加埋都係得三、四萬左右。（有無信心拎埋無綫《勁歌金曲總選》男歌手獎？）唔敢有太大期望。」是否因為陳奕迅兩度突然出來攞獎，所以對自己沒有期望？他否認此說︰「有啲獎我係有愧於心嘅，好似男歌手咁，今年仍有進步空間。」

提到祖兒在元旦日叱咤失手跌獎，幾乎直插軒仔要害，祖兒笑言因為個獎有個鈎，要將軒仔「連根拔起」。再問祖兒是否有心「拆祠堂」，好讓軒仔名正言順爭女歌手？祖兒不停大笑。「係時候畀軒仔攞『最優秀流行女歌手獎』。」軒仔則自嘲︰「仲好呀，唔使去泰國（變性）。」

採訪︰Pauline

攝影︰林良明

編輯：林梓添

設計：梁政敏