袁偉豪：分手與逼婚無關

袁偉豪（阿Ben）和岑杏賢分手已成事實，有指男方甚得女性歡心，經常毫無避忌地玩埋一堆，雖然雙方先後澄清，阿Ben更公開承認自己不懂得珍惜杏賢，即使分手也處處維護她，不希望舊愛受到傷害。

近日有報道指岑杏賢不滿阿Ben和王君馨經常以情侶檔姿態現身，因而打翻醋埕，昨日兩人又再次孖住出席開幕活動，阿Ben就解釋：「我同Jennifer（岑杏賢）之間嘅事，係我有地方做得不足，係我傷害咗佢嘅心，佢已經原諒咗我，我哋仲係好朋友，亦都唔係出面所謂嘅逼婚唔成功，或者呷醋，絕無此事，係我唔懂得珍惜佢。」那他以後與女藝員一齊會否避忌一下？阿Ben坦言熟悉他的朋友自然會心照，當然工作上會作出適當的尊重，是否需要避忌則視乎情況。

未諗是否復合

那他又自覺有幾欠缺安全感？阿Ben無奈表示：「而呢段時間我會作出檢討，重新認識自己。」他會否想過與杏賢復合？阿Ben強調目前會先做好自己，更稱與杏賢仍有聯絡。至於被影到他們食飯時疑似嗌交，他解釋只是當時與唐詩詠及洪永城一齊食飯，他和杏賢就調位一事而推讓，並非如報道所指兩人有爭拗。

採訪：Pauline

編輯：林梓添

設計：梁政敏