C AllStar嗌交絕不提拆夥

組合Mr.成員近日爆發內訌，主音歌手Alan疑對其餘四位成員開火，另一位成員Dash雖想做和事老，不過外界仍傳Mr.即將拆夥，同樣為男子組合的C AllStar亦承認，幾兄弟長期合作難免有爭拗，最緊要心平氣和，免傷和氣。

組合C AllStar和黃心穎昨日出席時裝品牌活動，提到組合Mr.近日盛傳成員拆夥，安仔表示不便評論，但認為每個組合都有自己相處方式。四子被問到可曾試過炒大鑊？安仔直言最嚴重問題都是遲到，阿King就立刻自首，不過他們明白每個人都會犯錯，最重要互相溝通。安仔笑言：「有次佢（King）遲到，就解釋因為電話鬧鐘冇響，我哋就即場試，真係冇響喎，咁就有理由啦。」那他們又是否曾嚷着要拆夥？他們均表示沒有，更戲言上台獨唱時就「拆夥」。

另外，黃心穎被問到有報道指黃翠如與李佳芯由有線鬥到無綫，偏偏兩人命運不一樣，翠如可大方公開戀情，佳芯似乎被下旨不准提感情事，心穎說：「應該唔會嘅，佢哋兩個發展都好好呀，Ali係咪拍拖我就唔知。」問她將來倘若拍拖又會否介意公開戀情？她說只要感情穩定下來，公開沒甚麼大不了，笑言自己年紀大了，不用再收埋戀情。

撰文：Pauline

編輯：林梓添

設計：招潤洪