否認秘戀足球隊主席 鄧麗欣唔急拍拖

鄧麗欣（Stephy）自從與方力申分手後，感情生活徹底空白，反之小方最近傳力追何超蓮。最近Stephy就被影到與足球隊主席齊齊睇波，昨日她出席活動否認拍拖，並再三強調對感情事要順其自然。

Stephy昨日出席代言的美容集團新店開幕典禮，更獲贈價值100萬的溶脂療程。昨日身穿白色露肩裝的她，表示最近為杜汶澤執導的電影《空手道》頻頻做運動及練空手道，她說：「基本上我每日都會做一些體能訓練，最開心係呢幾日發現自己真係有少少腹肌，我見到有四明顯腹肌，希望可以keep住！」

與小方完全冇聯絡

提到她的舊愛方力申近日也積極操肌，Stephy即表示不少圈中人都愛上keep fit，當中也有很多女藝人都會操馬甲綫。對於早前表示想與小方做番朋友，昨日問Stephy對方可有表示？她帶點尷尬說：「可能佢（小方）睇唔到（報道）呢！（唔會主動搵佢？）唔會太刻意去聯絡，大家有緣份就會見，順其自然啦。」

昨日是萬聖節，她說之前都會化粧參加萬聖節派對，不過近兩年已沒有再玩了，問到是否分手後沒有心情去玩？她說：「我要專注事業，真係好忙。（冇異性約會？）冇，真係好dry，大家都唔夠膽date我，所以都冇乜識新嘅人。」

提到日前她被影到與和富大埔足球會「80後」主席蔡尚圻一齊看球賽，因而傳出兩人密會消息，Stephy澄清對方只是朋友，他有份贊助Stephy的排球隊，所以彼此間有合作。她說：「因為佢嘅足球隊喺大埔，我又係大埔人，所以去支持。（覺得對方追你？）唔係，朋友啫，唔好講個追字，會嚇親人，唔好講到我好渴，其實我真係唔急，我依家係事業型。」

採訪：Pauline

攝影：林良明

編輯：林梓添

設計：K