周秀娜着3條打底褲睇極光

周秀娜（Chrissie）早前與朋友去挪威和英國過新年，更初次看到北極光，令她大開眼界。娜姐直言見到北極光覺得好amazing。「最好彩係我有個朋友話，今年睇北極光係最佳嘅一年，幸運之神今年應該眷顧我。」為應付挪威零度以下的氣溫，她帶了兩大篋同行，她笑說︰「我真係第一次準備咁多嘢，保暖壺、手套、暖包，帶咗好多保暖打底衫褲。睇北極光當晚要長期逗留室外，我着咗三件打底衫加羊毛冷衫，再着多件衞衣同加多件防雪防風褸；下身着三條打底褲，全身着咗好多層保暖，搞到每日都好論盡，然後每日拎腳架、相機同背囊出去。」