林嘉欣帶囡囡睇動物學人生

林嘉欣向來重視活動教學，適逢海洋公園踏入40周年，自認是該主題公園忠粉的嘉欣，自爆每星期都會帶兩個女入場遊玩兼學習，令兩個女對園內各種生物比她更了解，連嘉欣也感驚訝。

林嘉欣昨日以嘉賓身份，出席海洋公園40周年慶祝活動，嘉欣表示因為屋企與海洋公園較近，加上現在有港鐵直達，所以每星期都會帶兩個女去玩，「我主要都係帶佢哋睇動物，其實我好鍾意呢種教學方法，佢哋會容易吸收。」嘉欣謂平時也會跟兩個女講故事書，不過認為保育教育始終應該由家庭及學校做起，她說︰「書本知識唔及實踐重要。」

嘉欣又稱，女兒日前告知她水族館其中一條鯊魚離世，令她驚訝女兒所知的竟然比自己多。去年熊貓佳佳過身，女兒更好奇問她為何熊貓館有這麼多花，嘉欣就解釋因為熊貓年紀大就會上天堂，於是女兒又追問她，將來自己老了是否都會上天堂，嘉欣覺得很有趣，發覺到這些事其實都可以代入教學當中。

遇心儀劇本再出山

問嘉欣會否讓兩個女養小動物？她笑言女兒很喜歡去水族館睇企鵝，「我希望佢哋大個啲先養小動物，唔想最後變咗係我照顧動物。」

嘉欣表示農曆年將留港度歲，她有感大時大節許多港人都喜歡出埠，留港反而覺得比平日少人，出街也會很自在及舒服。又問到她何時復工？嘉欣笑稱︰「斷斷續續都有拍廣告，電影就等劇本，要遇到心儀劇本先拍。」

採訪︰Pauline

攝影︰林良明

編輯︰林梓添

設計︰梁政敏