陳展鵬拍劇壓力大似被鬼壓

陳展鵬昨日以光頭造型為新劇《乘勝狙擊》宣傳，原來這是另一套新劇《天命》的新造型。近月來，展鵬一劇接一劇，每日僅得幾小時睡覺，又擔心睡得太酣唔知醒，遲到影響劇組進度，所以他承受的壓力很大。

展鵬坦言，早前拍《同盟》時休息少，導致睡眠不足，他形容那幾個月處於繃緊狀態︰「連瞓覺都好容易紮醒，好似畀鬼壓咁！每朝起身會諗幾點有通告，好驚遲到。」

談到《天》劇首次演歷史人物和珅，他要應付不少動作場面，還會講蒙古話、滿漢、英文及廣東話四種語言。

林夏薇每朝練「甩」牌

林夏薇在《乘》劇飾演果欄雀后，她笑言本身對麻將一竅不通，但拍完劇後興趣大了，不過初步只會玩下麻將遊戲，她笑言︰「身邊個個都係高手，同佢哋打即係自尋短見，都係打機算啦。（老公有無過兩招畀你？）啱啱拍劇時佢有陪我練，屋企張麻將枱無收起，每朝起身不停練『甩』牌，我會隨身帶兩隻牌『甩』。」

撰文︰Pauline

編輯：黃寶恩

設計：招潤洪