林作唔認同麥明詩拍過拖

「十優港姐」麥明詩（Louisa）與大狀林作情海翻波，有指女方含淚提分手，更被周刊拍到疑往林作家中「執包袱」。昨日林作出席活動時，提到麥明詩形容彼此只是朋友，林作說：「佢講嘅嘢我會採納，我哋一直都係朋友。」

有傳麥明詩難忍林作向女生「抄牌」成分手導火綫，女方日前在FB直播談及戀情時更當場落淚。林作昨日滿頭大汗現身，提到是否已分手？他說：「呢方面我冇回應，由Louisa講，我會保持一致。（遭女方「降呢」？）坦白講，我哋從來冇喺任何場合，講過我哋係男女朋友關係。（從來冇否認？）其實有否認過。」提到林作媽媽想麥明詩做新抱，林作笑說：「我媽咪出名亂噏，信佢一成都得。」

陳豪支持老婆復出

問他與麥明詩是否拍過拖？他只說：「佢（麥明詩）話一直係朋友，我完全同意。」日後可以隨時夜蒲？他說：「我有自己生活方式，由頭到尾都冇變，人身自由好重要。（現在好自由？）不嬲都好自由。」他表示仍跟麥明詩保持聯絡。

另外，同場的陳豪提到太太陳茵媺被拍到仍未修身的照片，他笑說：「佢努力中，可能太開心。佢興趣係做演員，唔想放棄，我會支持佢喺家庭同事業中平衡。」

採訪：李潔盈

攝影：Lego

編輯：林梓添

設計：梁政敏