卓韻芝出櫃 林一峰讚勇敢

完全黑暗中的聲演會《暗中作樂》，前晚邀得林一峰、林二汶及黃耀明參與演出。一峰亦坦言開騷頭十秒確是好驚，當音樂響起就不再驚了，他笑言這個騷真的見真章。

談到卓韻芝承認出櫃，一峰笑言︰「佢算吧啦，佢乜都做得出嘅，因為嗰個係卓韻芝！佢做任何事都冇事㗎啦！佢又自我、又有自信，所以冇事！」二汶笑言阿芝「另一半」可能不止得一個，而兩兄妹亦表示，總之卓韻芝做任何事都一樣鍾意她。覺得阿芝勇敢嗎？一峰承認她很勇敢，即使講這些事都表現得很自然，他說：「其實依家都唔需要話『出櫃』啦，呢個世界都冇櫃呢個框框，唔使出入，呢個時代，係唔需要大講一輪。」